Day 12 ✏ 科爾馬 (Colmar)

由於天兔，阿力要滯留瑞士，但唔代表冇事做。今日要靜靜坐低做公司事務，所以我要自己搵節目。朋友於是推介一處離Zurich兩個小時火車程嘅法國Alsace小鎮Colmar。睇過相片，知道一定唔會令我失望。

朝早九點十五分，出發到Zurich HB。由於車程包括法國，所以唔可以喺售票機買票，一定要到ticket office買，來回half fare車費CHF66（HK＄564）。由Zurich到Basel，車程大慨五十三分鐘。

Add caption

車開出冇耐，個天非常陰，雲層好低，令我好擔心。冇理由喇，check過天氣報告，明明話天情！好彩過咗隧道以後，天色變晴，開心哂！

到達Basel之後就往下一層走，就會見到一個通往法國嘅gate，大大個門牌寫住France，一定冇走失！

入咗閘之後就係另一組月台，上咗另一部往Colmar嘅車，三十分鐘後就到達Gare de Colmar，直係車站嘅意思。朋友介紹一間位於Colmar米之蓮餐廳JYs， 一定要試一試。

沿住地圖方向行十分鐘左右，由無人嘅街道，一路走人潮一路多，就知終於到達心臟地帶。抬頭一望，嘩咗幾聲，所有小平房有如童話故事嘅小屋一樣，令我呢個自由行不停影相，一邊行一邊瘋狂影，不亦樂乎！

絕對係眼睛想旅行！

好似入咗童話故事一樣

慢慢走到JYs門前，咦，已經午飯時間，但為何露天座位空蕩蕩？心知不妙喇，走過去問賣salami檔嘅靚仔，佢話JYs已經兩日無開，可能店主外遊，吓！咁「好彩」呀？有機會到Colmar嘅朋友，記緊到JYs試試，話我知係咪我嘅損失！

算喇，唯有行到Cathedral附近嘅餐廳隨便坐低，嘆嘆猛烈嘅陽光，品嚐沙律德國香腸加杯Mango Smoothies。

St Martin's Church

色彩繽紛嘅觀光小火車

 食飽飽過後繼續搵靚景，經過紅磚market Marché couvert de Colmar。入去逛咗一個圈，都以食物為主，有好多買蔬果肉裡嘅店，由於我喜愛逛賣擺設嘅店，冇浪費太多時間喺market。

影完可以再影

走走走，就被一間賣家居擺設嘅店懾咗入內，原來遊Aix en Provence時都見過，但阿力完全冇俾我有停留嘅意思！今次仲唔有機會為所慾為！Maisons du Monde，總部於法國Brest嘅家具擺設連所店，入咗去註定出唔返嚟！一杯一碗，一布一木都非常country style，尤其有我最愛嘅搪瓷餐具！如果我住歐洲，我一定將整間Maisons du Monde搬返屋企！後來發覺朋友家有好幾款家具都來自呢間店。簡直係大愛！我要搬佢嚟亞洲！

快樂不知時日過，到已經下晝四點多，要回程返Zurich喇！原路返車站，有個低B小插曲：話說火車即將到站時，發覺，咦，點解駕車喺對面線？哎呀，醒目的我原來何處落車，何處等車，即刻九秒九跑過對面，好彩上到車，如果唔係要呆等多半個鐘！

Day 1 ✏ 香港 (Hong Kong) ✈尼斯 (Nice) ✈ 艾克斯 (Aix en Provence)

坐瑞航 (Swiss Air) 晚機直航飛蘇黎世 (Zurich), 到達時間為清晨六點多，再轉乘九點班機到尼斯(Nice) 。

阿力由於早幾日已抵康城（Cannes）開會嘅緣故，所以今早坐二十五分鐘的士由Cannes到Nice機場，接過我以後就到Budget攞網上已預定嘅車。
跑來跑去幾回後 (GPS壞咗，report車身有刮花嘅痕跡等)，終於可以出發。行程安排先去普羅旺斯地區嘅艾克斯 (Aix en Provence) 同馬賽 (Marseille)。做research時，大部分註釋都話Marseille比較多北非人，夜晚到外走走比較危險，所以第一晚決定選擇大學區Aix en Provence為註腳站。


由Nice到Aix大概170km，車程約80分鐘。天空蔚藍色，萬里無雲，回想由放工趕返屋企，趕去機場，坐長途機，睡眼惺惺等轉機，到家陣見到此情此景，放鬆哂！沿住A8公路，中途有toll收費站。未入收費亭都唔知價錢，到知道時就好論盡。記得其中一個toll唔收cash，試過所有信用卡都無用，要勞動工作人員幫忙找續，麻鬼煩！

喺Booking.com訂咗Hotel St Christophe，一間三星級酒店。地點絕對係superb，離開主要景點圓亭噴泉 Fontaine de la Rotonde 只不過係幾分鐘路程。由於無預約parking，落咗行李之後，酒店職員就指示最近嘅停車場。房號210，一開門，腳步不穩, 差啲暈低，房間size仲的骰過日本啲酒店！裝潢比較舊，最嚴重係只可以放一個行李，第二個已經要放上床！但係洗手間出奇地寬敞，個設計師真係估佢唔到。

泊好車，放低行李已經下晝兩點多，趕快問reception姐姐推薦食好東西嘅地方，就飛身出門！介紹嘅餐廳其實有點遠，而由酒店走兩步就到達主要街道米拉波大道Cours Mirabeau，街上餐廳處處，於是就跟隨味覺走，九秒九衝入大道上其中一間店 Bistro Romain。

終於出發 : 前言

十三天旅程終於完結，彷彿過得很快，但回想起由香港出發那天，又好像很久以前的事。這十三天的體驗真的非筆墨可以形容，但無論如何也要好好記錄下來，為將來回味之用。其間，有很多旅遊貼士亦可供有興趣到蔚藍海岸及瑞士自遊行者作個參考。沒親身體會過，或「撞過板」，是沒法得知原來有很多捷徑可走。當然，我的所謂貼士也未必是最完美，最適用，但起碼，有很多冤枉路也可以節省！

看不懂廣東話？對不起，我覺得用廣東話比較生動，更直接寫出及表達當時的感受！

行程安排 III

左想想，右想想，整個星期都在想究竟應不應登上少女峰，今日終於有了結論。住瑞士的朋友決定跟我們到Interlaken，而她跟老公也覺得這麼老遠過去，應該要到少女峰走走，這個地方可能這輩子也不會回來，老了也沒力氣回來，所以有這個決定。這晚跟弟弟及弟媳吃飯，說起他們倆也於五月份到過瑞士，也因為剛才的原因，也登上了少女峰。好了，終於解決了！其實心裡面一直也覺得應該到此一遊，金錢可賺回來，體驗及回憶卻不可！

Jungfraujoch，我來也！還有一星期就要出發，心情真的異常興奮！

行程安排 II

南法六天遊其實都有idea，沿著蔚南海岸一帶，由Marseille，Aix en Provence出發向東走，Antibes，Cannes，Vence，Nice，還有一定要到的Monaco，想起都覺得很忙！至於瑞士，先到達Zurich，會落Lucerne和Interlaken，不過，反而有一點惆悵究竟會不會登上少女峰Jungfraujoch。看過別人照片，網誌，都說一定要到此一遊。由Interlaken Ost到Jungfraujoch要乘坐Mountain Railway，但這個火車費用真的不便宜，每位CHF196，即大概HKD1600。我們二人加起來就要三千多塊，真的捨不得，但又想，老遠到這邊來，三千元算得甚麼！嘩，多大口氣！話雖如此，但真的要細心思量一下。大家有意見嗎？

行程安排 I

有好幾年沒遠遊，當然，其間不乏短程遊，例如台灣，日本，韓國，長灘島等，都環繞亞洲裡面。今年，因工作行業性質，多了個block leave，又巧合地阿力到公幹歐洲公幹，所以速成這次歐遊。今個trip選擇了風景如畫的南法，再順道北上到瑞士探望因老公工作駐Zurich的好友，未起行，先興奮！

很早以前已經買了JTB的法國和瑞士的旅遊書，一直都擱置於書櫃，今次終於有機會大派用場了！經過不停鑽研書籍，閱覽別人的網誌，才慢慢的構思到大鋼。當然，現在離出發還有一個月，還有時間再仔細去編排整整十三天的假期，務求天天精彩。